Hapja e kësaj Ueb-faqe është një dritare e re në të cilën ju mund të informoheni për të gjitha aktivitetet, të arriturat, por edhe për sfidat me të cilat përballet administrata e komunës sonë.
Përmes kësaj ueb faqeje, ne mundohemi të inkurajojmë qytetarët të përcjellin dhe vlerësojnë punën tonë dhe njëkohësisht të shprehin vërejtjet dhe sugjerimet e tyre.
Ueb-faqja e komunës, e cila përgatitet nga Zyrtari për Informim, është edhe një urë lidhëse midis administratës komunale dhe qytetarit, si dhe një qasje e re ku ju mund të bëheni pjesë e proceseve në organet vendimmarrëse në komunën tonë. Bashkëpunimi juaj na bën më të suksesshëm!

Kompania DataGis Consulting e kontraktuar për hartimin e këtij Plani, një ditë më parë kishte bërë prezantimin e Draftit parafinal, ndërsa tani ky Draft iu është prezantuar qytetarëve për vërejtje, plotësime e sugjerime.

Një kopje e Planit, pjesë grafike si dhe fletorja për vërejtje dhe sugjerime janë të ekspozuara për 60 ditë në objektin e Shtëpisë së Kulturës “Xh. Kurtaj” në Kaçanik.

Turneu në futboll të vogël ka filluar të martën, më 02.02.2010. Turneu po zhvillohet sipas dinamikës së paraparë, ndërsa ndeshjet finale në të dy konkurrencat do të zhvillohen Ditën e Pavarësisë, më 17 shkurt, në ora 12:00, ajo në konkurencën e femrave dhe në ora 13:00, ajo e meshkujve.

Përveç aktiviteteve tjera të cilat janë në fazën e përgatitjes, në Ditën e Pavarësisë nga ora 17:00 do të mbahet Koncerti i madh ku do të prezanton Ansambli i këngëve dhe valleve “Shota” me këngëtarët Violeta Kukaj – Ratkoceri, Ismet Bexheti, Ismet Bogujevci, Riza Bytyqi etj.

LOGOS sipas kritereve ndihmon komunat duke u ofruar ndihmë teknike dhe financiare në fushat Planifikim dhe menaxhim të burimeve dhe Administratë dhe shërbime publike.

Në fushën e Planifikimit dhe menaxhimi i burimeve është propozuar një projekt ndërsa në fushën Administrata dhe shërbimet publike janë propozuar 9 projekte.

Projekti Zvicër-Kosovë Përkrahja për Qeverisje Lokale dhe Decentralizim LOGOS është projekt për Qeverisje Lokale, financuar nga Qeveria Zvicerane përmes Zyrës Zvicerane për bashkëpunim në Kosovë SCO, ndërsa realizohet nga Fondacioni Zviceran INTERCOOPERATION.

LOGOS që nga 1 janar 2010 ka filluar fazën e dytë të projektit e cila do të zgjasë 3 vitet tjera përkatësisht 2010-2012. Projekti do të vazhdojë punën me komunat të cilat mund të jenë përfituese nga ky projekt. Komunat të cilat mund të jenë përfituese nga projekti janë: Kaçaniku, Hani i Elezit, Ranillug, Kllokot, Shtërpce, Gjilan dhe Ferizaj, ndërsa vendimi për përzgjedhjen do të merret gjatë muajit Shkurt në bashkëpunim me Ministrinë e Administrimit të pushtetit Lokal, Asociacionin e Komunave të Kosovës dhe donatorin e projektit që është Qeveria Zvicerane.

Në takim kanë prezantua edhe nënkryetari i komunës, z. Heset Loku dhe z. Vedat Dema, koordinator i Zyrës për të Drejtat e Njeriut në administratën komunale. Avokati i popullit, z. Sami Kurteshi tha se ne po mundohemi që të shtrijmë bashkëpunimin tonë me të gjitha institucionet e Kosovës në fushën e mbrojtjes së të drejtave të njeriut. Ne do të dëshironin që shkeljet eventuale e të drejtave të njeriut të zgjidhen përmes Zyrave për të drejtat e njeriut. Këto zyra tani më funksionojnë që nga viti 2007.

Kryetari i komunës, z. Xhabir Zharku, ka falënderuar për vizitë z. Kurteshi ndërsa është shprehur i gatshëm të bashkëpunoj me institucionin që mbron të drejtat e njeriut.

Nga Zyra për të drejtat e njeriut nuk kemi të prezantuar ndonjë rast të shkeljes së të drejtave ndërsa rastet eventuale tw cilat janë paraqitur, janë tejkaluar përmes kësaj zyre, ka thënë kryetari, z. Zharku.

OJQ “Elita” ndihmon komunat ne funksionimin e Këshillave Komunale për Siguri ndërsa fushë veprimtarinë e saj e shtrin në komunat Viti, Kaçanik dhe Ferizaj.

Kryetari, z. Zharku ka përkrah punën e tyre ndërsa u ka thënë se ju mundë të shfrytëzoni edhe radion lokale, Radio Kaçanikun për të bërë prezantime të ndryshme dhe për të trajtua çështje problemore që preokupojnë shoqërinë tonë. Ka shumë çështje të cilat duhet trajtuar si çështja e nxënësve të padisiplinuar në shkolla të mesme, përdorimi i substancave narkotike, alkoolit etj. por edhe çështje tjera me të cilat do të mundë të merrej ky Këshill. Kryetari, z. Zharku duke folur për përbërjen e Këshillave Komunale për Siguri në Bashkësi, tha se do të ishte më mirë sikur këto Këshilla të përbëheshin nga anëtarë të Kuvendit Komunal sepse ata marrin një kompensim nga Kuvendi ndërsa deri më tani nuk është gjet formë e kompensimit për anëtarët e këtyre Këshillave.

Rushan Ceka, drejtor në Drejtorinë e Shërbimeve Publike dhe Emergjencë dhe anëtar në Këshillin Komunal për Siguri në Bashkësi tha se ne do të bëjmë një Plan Veprimi dhe se harmonishëm sipas Udhëzimit Administrativ Nr. 08 / 2009 të MPB – 02 / 2009 të MAPL, do të mbahen mbledhjet e rregullta të këtij Këshilli.

Aktivitetet:

- Pastrimi i ambientit,

- Stolisja e qytetit,

- Homazhe varrezave të dëshmorëve,

- Programi festiv për fëmijë,

- Ekspozitë me imazhe të Ditës së Pavarësisë,

- Akademi solemne,

- Koncert i madh,

- Turne në futboll të vogël.

Turneu në futboll të vogël do të fillon sot, ndërsa finalja do të zhvillohet në ditën e Pavarësisë.

Në këtë prezantim kanë marr pjesë Grupi punues komunal, Këshilli i ekspertëve, përfaqësues të kompanisë “Data GisConsulting” si dhe përfaqësues nga Ministria e Mjedisit dhe Planifikimit Hapësinor.

Prezantimin e Draftit e ka bërë z. Hasim Kryeziu, bashkëpunëtor në kompanin DataGis Consulting.

Drafti përmban 5 faza:

- Profili dhe vlerësimi i gjendjes ekzistuese,

- Vizioni, Parimet dhe Caqet,

- Korniza e Zhvillimit Hapësinor,

- Strategjia dhe veprimet për zbatim dhe

- Dispozitat për zbatim.

Nënkryetari i komunës, z. Heset Loku ka përshëndetur kompaninë për punën e bërë ndërsa ka bërë disa vërejtje që sipas tij duhet të përmirësohen. Ai pati vërejtje në përdorimin e disa termave si psh Kuvendi i Komunës ndërsa duhet të jetë Komuna e Kaçanikut, pastaj përmenden Bashkësitë Lokale që tani më nuk ekzistojnë pastaj të zëvendësohet emërtimi Asamble komunale me atë Kuvendi i Komunës si dhe disa vërejtje tjera.

Suzana Goranci, nga Ministria e Mjedisit dhe Planifikimit hapësinor pati vërejtje në atë se kompania është fokusuar shumë në fazën e parë, Profilin.

Shpend Agaj nga Instituti për Planifikim dhe Hulumtim në MMPH tha se ky është një plan i mirë dhe nuk shumë vërejtje ndërsa sa i përket fazës së Profilit ai pati mendimin se elementet e prezantuara janë në harmoni me detyrën projektuese e cila i kërkon këto të dhëna.

Në debat murën pjesë edhe Skender Kuka dhe Qamil Stagova nga Grupi i ekspertëve si dhe Zekirja Koxha, Avni Krasniqi e Bujar Dullovi nga Grupet punuese të cilët prezantuan vërejtjet e tyre.

Drafti i Planit Zhvillimor Komunal dhe Planit Zhvillimor Urban që nga nesër, e martë (02.02.2010) do të jetë në diskutim publik për qytetarët për 60 ditë.

Një kopje e Planit si dhe fletorja për vërejtje dhe sugjerime do të jenë në objektin e Shtëpisë së kulturës “Xh. Kurtaj” në Kaçanik.

Kryetari i Komunës, z. Xhabir Zharku, me këtë rast, në fjalën e tij ka thënë se është vështirë të flasësh për veprën madhore të vëllezërve Gërvalla, e cila brumosi shumë të rinj me idealin atdhetar. Këta martirë bënë organizimet e ndryshme duke bashkuar popullin shqiptar në diasporë, për të qenë një zë i fuqishëm kundër regjimit shtypës serbo-sllav dhe duke sensibilizuar opinionin ndërkombëtar për atë që po ndodhte në Kosovë, ndërkaq duke folur për veprën heroike të dëshmorëve Rexhep Mala e Nuhi Berisha, kryetari z. Zharku theksoi se këta martirë me guximin e tyre u bënë bërthamë e gueriles shqiptare që më vonë do të triumfonte me Ushtrinë Çlirimtare të Kosovës.

Manifestimi “Flaka e Janarit 2010” u përshkua edhe me një program kulturo artistik dhe këngë nga repertori i Jusuf Gërvallës, ndërsa u shfaq edhe drama e Jusuf Gërvallës e titulluar “Procesi”, ku përshkruhen procese gjyqësore që u montoheshin patriotëve e atdhetarëve shqiptarë nga policia dhe gjykata serbe e instaluar në Kosovë.

Shiritin përurues e kanë bashkë prerë kryetari i Komunës, z. Xhabir Zharku, përfaqësuesi i shoqatës italiane ALPO, përfaqësuesi i MASHT-it, z. Osman Shahini, drejtori i shkollës, z. Isa Rexha dhe Administratori i fshatit Shtrazë, z. Mustafë Lika.

Me këtë rast kryetari, z. Zharku ka falënderuar miqtë Italian për ndihmën e ofruar për ndërtimin e shkollës, ndërsa ka thënë se miqtë tanë ndihmuan edhe në ndërtimin e shtëpive e shumë shkollave, ambulancave etj. Falë ndihmës suaj këta fëmijë që nga sot nuk do të udhëtojnë me kilometra të tëra, tani e kanë shkollën e tyre këtu.

Kryetari z. Zharku duke falënderuar miqtë italian për ndërtimin e shkollës si dhe për ndihmën e ofruar vite më parë për ndërtimin e ambulancës shëndetësore në këtë fshat, ata i nderoi me një plaket me emblemën e Komunës së Kaçanikut.

Në emër të ministrit për Arsim, z. Enver Hoxhaj, ka përshëndetur z. Osman Shahini duke shpreh bindjen e tij se ky kontribut i miqve tanë Italian do të çmohet nga nxënësit, arsimtarët dhe banorët e fshatit Shtrazë.

Përfaqësues të shoqatës italiane ALPO duke shpreh kënaqësinë për realizimin e këtij projekti u shprehën se për tu bërë kjo punë nuk ishte edhe aq lehtë. Ata u shprehën të gatshëm se do vazhdojnë të ndihmojnë vendin tonë.

Në këtë manifestim përurues ka fol edhe drejtori i Shkollës Fillore “Dituria” në Ivajë, z. Isa Rexha si dhe Administratori i fshatit Shtrazë, z. Mustafë Lika. Z. Lika, në emër të fshatit Shtrazë ka nderuar me Mirënjohje përfaqësuesit e shoqatës ALPO si dhe të tjerë që kontribuuan në ndërtimin e shkollës.

Shkolla fillore në Shtrazë është paralele e ndarë e shkollës së Ivajës ndërsa ka afro 60 nxënës nga klasa e parë deri ën të shtatën.

Për ndërtimin e shkollës, Komuna e Kaçanikut ka investuar 20 mijë euro nga buxheti i komunës.

Kryetari, z. Zharku ka kontaktua personelin e këtij institucioni ndërsa nga ajo çfarë ka parë, ka konstatuar se në këtë qendër të edukimit ka vend për përmirësime por në realitet gjendja është e mirë, prandaj shqetësimet e nënave ishin të paqëndrueshme.

Kryetari i Komunës, z. Xhabir Zharku, në fillim të takimit njoftoi anëtarët e Kuvendit me Vendimin e tij për emërimin e drejtorëve të drejtorive.

Misim Sopa është emërua drejtor i Drejtorisë për Shëndetësi dhe Mirëqenie Sociale, Fikri Vërbani, drejtor në Drejtorinë për Ekonomi, Financa dhe Zhvillim, Azem Guri, drejtor në Drejtorinë për Arsim e Kulturë, Rushan Ceka, drejtor në drejtorinë e Emergjencës dhe Shërbimeve Publike, Bekim Troni, drejtor në drejtorinë e Urbanizmit, Kadastrit dhe Mbrojtjes së Mjedisit, Nuhi Provoliu, drejtor në Drejtorinë e Bujqësisë, Zhvillimit Rural dhe Pylltarisë dhe Jeton Topalli, drejtor në Drejtorinë e Administratës së Përgjithshme.

Kuvendi i Komunës duke debatuar për pikën e parë të rendit të ditës, miratoi Propozim Vendimin për planifikimin e mbledhjeve të Kuvendit duke u bazuar në Ligjin për Vetëqeverisjen lokale dhe Statutit të Komunës ku sipas këtij Propozim Vendimi, Kuvendi gjatë vitit 2010 do të mban minimum 10 mbledhje të rregullta ndërsa mundë të mbajë edhe mbledhje tjera të rregullta më shumë se minimumi i paraparë.

Kuvendi në vazhdim të seancës ka marr vendim për formimin e Komitetit për Politik e Financa prej 7 anëtarëve:

Xhelal Gashi, kryesues i Kuvendit (PDK), Zekirja Loku, (PDK), Arbnora Sallahu, (PDK), Kemal Murseli (PDK), Shukri Luta (AAK), Shyqeri Luzha (AAK) dhe Daut Rudi (LDK). Kuvendi po ashtu në seancën e sotme ka marr vendim dhe ka formuar edhe Komitetin për Komunitete prej 5 anëtarësh, 3 anëtarë nga përbërja e Kuvendit të Komunës dhe 2 anëtarë nga Shoqëria Civile.

Komitetin për Komuniteti do ta përbëjnë Rami Çaka (AAK), Ibrahim Hoxha (LDK), Sherife Troni (AKR) dhe do të plotësohet edhe me dy anëtarë nga Shoqëria Civile. Në seancën e sotme Kuvendi i komunës ka miratuar edhe Programin e Punës se Ekzekutivit të Komunës për vitin 2010.